MAHKUMLARNING PENSIYA TA’MINOTI

Abstract

Mahkumlarning pensiya ta’minoti masalasi zamonaviy jinoyat-ijroiya tizimining muhim va murakkab yo‘nalishlaridan biridir. Jazoni ijro etish muassasalarida saqlanayotgan shaxslarning huquqiy holati va ularning jamiyatga qayta moslashuvi ko‘plab ijtimoiy-iqtisodiy omillar bilan chambarchas bog‘liq. Shu jumladan, mahkumlarning pensiya ta’minoti ularning kelajakdagi ijtimoiy himoyasi, huquqiy barqarorligi va jamiyatdagi iqtisodiy o‘rnini saqlab qolish uchun muhim ahamiyatga ega. Maqolada O‘zbekiston Respublikasi qonunchiligida mahkumlar pensiya ta’minoti masalasi qanday tartibga solinganligi, amaliyotdagi holatlar va muammolar, shuningdek, xalqaro tajriba tahlil qilinadi. Mahkumlarning joriy mehnat faoliyati, jazoni o‘tash davridagi pensiya staji shakllanishi, pensiya hisob-kitobining adolatli va shaffof amalga oshirilishi muhim yo‘nalishlar sifatida ko‘rib chiqiladi. Bundan tashqari, mahkumlarning ijtimoiy himoyasini ta’minlashda mavjud bo‘lgan kamchiliklar va taklif etilayotgan islohotlar ham maqolada o‘rganiladi. Xalqaro standartlar doirasida mahkumlarning ijtimoiy huquqlariga bo‘lgan e’tibor oshib borayotgan bir paytda, mahkumlarning pensiya ta’minoti tizimini takomillashtirish, ularni kelajakda ijtimoiy barqarorlikka erishishiga ko‘maklashish O‘zbekiston jinoyat-ijroiya tizimining ustuvor vazifalaridan biri hisoblanadi.