ICHKI ISHLAR ORGANLARIDA OCHIQLIKNI TA’MINLASH

Abstract

Mazkur ilmiy maqola ichki ishlar organlarida ochiqlikni ta’minlash masalalarini o‘rganishga bag‘ishlangan. Demokratik jamiyatda davlat organlarining faoliyatida oshkoralik va shaffoflik tamoyillarining ustuvorligi, fuqarolarning davlat boshqaruvida ishtirokini kengaytirish, shuningdek, jamoatchilik nazoratini mustahkamlashda ochiqlik muhim o‘rin egallaydi. Ayniqsa, ichki ishlar tizimi singari fuqarolarning huquq va erkinliklariga bevosita ta’sir ko‘rsatadigan tashkilotlarda faoliyatning ochiqligi xalq ishonchini mustahkamlashga xizmat qiladi. Maqolada ochiqlik tushunchasining mazmuni, ichki ishlar organlarida bu tamoyilning qanday qo‘llanilayotgani, xalqaro tajribalar asosida ochiqlikni ta’minlashning samarali yo‘llari tahlil qilingan. Xususan, jurnalistlar va OAV vakillari bilan ochiq muloqot, jamoatchilik kengashlari faoliyatining yo‘lga qo‘yilishi, axborot texnologiyalari orqali ochiqlikni ta’minlash vositalari – veb-saytlar, ijtimoiy tarmoqlar va elektron hukumat tizimlari kabi elementlar muhim o‘rin tutadi. Shuningdek, ichki ishlar organlari faoliyatida ochiqlikni ta’minlash bo‘yicha mavjud muammolar – byurokratik to‘siqlar, axborotga ega bo‘lishdagi murakkabliklar, jamoatchilik bilan muloqotning sustligi kabi holatlar ko‘rib chiqilgan. Muallif ushbu muammolarni bartaraf etish uchun normativ-huquqiy bazani kuchaytirish, kadrlar malakasini oshirish va zamonaviy kommunikatsiya vositalaridan keng foydalanish zarurligini ta’kidlaydi. Xulosa qismida ichki ishlar organlarida ochiqlikni ta’minlash orqali fuqarolar ishonchini oshirish, huquqbuzarliklarning oldini olish, korrupsiya darajasini pasaytirish va huquqni muhofaza qiluvchi organlar faoliyatining samaradorligini ta’minlash imkoniyatlari yoritib beriladi.