TEZKOR QIDIRUV TADBIRLARI, TURLARI VA OʻTKAZISH ASOSLARI.

Abstract

Mazkur maqola “Tezkor qidiruv tadbirlari, turlari va oʻtkazish asoslari” mavzusida yozilgan boʻlib, huquqni muhofaza qilish organlarining tezkor-qidiruv faoliyatining nazariy va amaliy jihatlarini tahlil etishga qaratilgan. Maqolada tezkor-qidiruv faoliyatining huquqiy asoslari, uning turlari, oʻtkazish tartibi va shartlari, shuningdek, bu faoliyatning samaradorligini oshirish boʻyicha takliflar muhokama qilinadi.

Tezkor-qidiruv faoliyati — bu jinoyatlarni aniqlash, fosh etish va oldini olish maqsadida amalga oshiriladigan maxsus usullar va vositalar yordamida olib boriladigan faoliyatdir. Ushbu faoliyatning asosiy turlari quyidagilardir: kuzatuv, maxfiy xarid qilish, maxfiy tekshiruv, maxfiy kiritish, maxfiy tinglash va boshqalar. Har bir tur o‘zining maqsadiga, usullariga va qonuniy asoslariga ega boʻlib, ularning amalga oshirilishi qat’iy tartibga solingan.

Maqolada tezkor-qidiruv tadbirlarini oʻtkazishning huquqiy asoslari, ya’ni O‘zbekiston Respublikasining “Tezkor-qidiruv faoliyati to‘g‘risida”gi Qonun, Jinoyat-protsessual kodeksi va boshqa normativ hujjatlar tahlil qilinadi. Shuningdek, bu tadbirlarni oʻtkazishning shartlari, jumladan, qonuniylik, shaxsiy daxlsizlikka hurmat, maqsadga muvofiqlik, ehtiyotkorlik va boshqa tamoyillar yoritiladi. Maqolada tezkor-qidiruv faoliyatining samaradorligini oshirish boʻyicha takliflar ham berilgan. Jumladan, huquqni muhofaza qilish organlarining malakasini oshirish, zamonaviy axborot texnologiyalaridan foydalanish, jamoatchilik bilan hamkorlikni kuchaytirish va boshqa chora-tadbirlar taklif etiladi.