OLIY TA’LIM TIZIMIDA FANLARARO INTEGRATSIYANING SHAKLLARI

Abstract

Mazkur maqolada oliy ta’lim tizimida fanlararo integratsiyaning shakllari pedagogik nuqtai nazardan tahlil qilinadi. Fanlararo integratsiya shakli tushunchasining mazmuni ochib berilib, uning ta’lim jarayonida fanlar o‘rtasidagi bog‘liqlik va uyg‘unlikni ta’minlashdagi ahamiyati asoslab beriladi. Integratsiyaning turli shakllarda amalga oshirilishi oliy ta’lim fanlarining mazmuniy, metodik va tashkiliy xususiyatlari, shuningdek, talabalarning tayyorgarlik darajasi hamda kasbiy yo‘naltirilgan ta’lim talablari bilan izohlanadi.

Maqolada fanlararo integratsiyaning mazmuniy, tashkiliy, metodik va amaliy shakllari alohida ko‘rib chiqilib, ularning har biri oliy ta’lim jarayonida qanday namoyon bo‘lishi va ta’lim samaradorligiga qanday ta’sir ko‘rsatishi yoritiladi. Mazmuniy integratsiyaning umumiy tushunchalar va qonuniyatlar asosida bilimlarni tizimlashtirishdagi roli, tashkiliy integratsiyaning integratsiyalashgan mashg‘ulotlar orqali fanlararo bog‘liqlikni kuchaytirishdagi ahamiyati, metodik integratsiyaning o‘qitish metodlari va vositalarini uyg‘unlashtirishdagi imkoniyatlari hamda amaliy integratsiyaning nazariya va amaliyot birligini ta’minlashdagi o‘rni ilmiy jihatdan asoslanadi.

Maqola natijalari fanlararo integratsiya shakllarini oliy ta’lim jarayonida izchil va maqsadga muvofiq qo‘llash ta’lim sifatini oshirish, talabalarning bilish faolligini kuchaytirish hamda bo‘lajak mutaxassislarning kasbiy kompetensiyalarini shakllantirishda muhim pedagogik ahamiyatga ega ekanligini ko‘rsatadi.